"Aurrekontuek ez diete erantzuten Arabako bi larrialdiei: egoitza pribatuetako langileen hitzarmen probintzial on bat bermatzea, eta etxebizitzen alokairuaren prezioa jaistea"

👉Ogasun, Finantza eta Aurrekontu Batzordeak atzera bota ditu Elkarrekin Podemos IUk Arabako Foru Aldundiaren aurrekontu proiektuari egindako 12 milioi euroko balioa duten hogeita hamar zuzenketak, 2026rako konpromiso kredituak ere jasotzen zituztenak.

🗣David Rodríguez: "Amaitu berri da Arabako Foru Aldundiaren 2025eko aurrekontua onartzeko Batzar Nagusietako Ogasun Batzordea, eta EAJk, PSEk eta EH Bilduk babestu dute. 

Elkarrekin Arabatik sentitzen dugu aurrerapenik egin ez izana egoitza pribatuetako langileen hitzarmen probintzial on bat bermatzeko, premiazkoa baita hori; aurrera egitea alokairuaren prezioari kota eta muga jartzeko, Arabako herritar guztientzat premiazkoa baita etxebizitza modu eskuragarrian eskuratzeko; aurrerapenak egitea osasun mentalaren aldeko borrokan eta suizidioaren prebentzioan ere; Arabako suhiltzaile foralen baldintzak hobetzea; beharrezkoak diren aurrerapen garrantzitsuak egitea, negu honetan kalean dauden eta bizitzeko eskubiderik ez duten pertsonen bizitegi-bazterketari aurre egiteko baliabide bat izateko; eta, azkenik, nazioarteko lankidetzan beharrezkoak diren aurrerapenak egitea eta, zehazki, Palestinako herriari laguntza humanitario garrantzitsua bidaltzea. 

Beraz, sentitzen dugu proiektu hau onartu izana, eta helburu horren alde borrokatzen jarraituko dugu. Aurrekontu proiektuaren aurka bozkatuko dugu"