Gardentasuna

Podemos Ahal Dugu-ren iritziz, finantzen independentzia eta alderdien gardentasuna garrantzi handiko gai politikoa da, eta ezinbesteko baldintza da demokraziak behar bezala funtziona dezan.

Independentzia

Benetan eraldatzaileak izateko, hauteskundeetara aurkeztu gabe agindu nahi duten horiekiko erabateko independentzia ekonomikoaren alde egiten dugu.

Ez gaude bankuen mendean ezta botere ekonomikoen mendean ere. Beste alderdi batzuek ez bezala, ez dugu zorrik inorekin, eta horrek aukera ematen digu gure lana herritarrengan eta guztion ongian soilik pentsatuta egiteko.

Gainera, banku-erakunde etikoekin lan egiteko konpromiso sendoa dugu, balioak eta munduaren ikuspegia partekatzen ditugunekin.

Elkarlaneko finantzaketa

Gure proiektu kolektiboa eratzen duen jendeaz finantzatzen da Podemos Ahal Dugu.

Lankidetza-ekonomiaren balioetan oinarritutako finantzaketa-tresna berritzaileak eta parte-hartzaileak garatzearen aldeko apustua egiten dugu, hala nola lankidetzak, crowdfunding-ak eta mikrokredituak.

Gainera, Podemos Ahal Dugu-k ordainsari-politika bidezkoagoa erabiltzen du, gure printzipioekin eta ordezkatzen ditugun pertsonekiko hurbiltasun handienarekin bat datorrena.

Podemos Ahal Dugu-n soldatak mugatzen zaizkie gure hautetsi guztiei, gobernuetako kideei, izendatutakoei, aholkulariei. Beren soldataren ehuneko bat ematen diote erakundeari, progresibotasunaren irizpidearen arabera: gehien irabazten duenak gehiago ematen du.

Kontu argiak

Podemos Ahal Dugu-n, erakundeetan ikusi nahi dugun gardentasuna praktikatzen dugu. Gure kontuak publikoki argitaratzen ditugu, erraz aurkitzeko moduan eta ulergarritasun osoz, eta azken euro zertan gastatu dugun erakustera behartzen dugu geure burua.

Recibe nuestros newsletters

Invalid Input
Invalid Input

EGOITZAK

Sede de Bilbao
Calle Nervión 3, 5º C-D

Sede Donostia
Avenida de Navarra, 34

Sede de Vitoria Gasteiz
Marques de la Alameda Plaza, 1

JARRAI GAITZAZU