Koordinatzaile nagusiaren ondokoa, Arabako Batzar Nagusietako bozeramailea eta Santurtziko zinegotzia aukeratu dituzte Ione Belarra buru duen alderdiaren zuzendaritza-organoa osatzeko, ostiralean eta larunbatean Madrilen Bosgarren Herritarren Batzarra egin ondoren
Herritarren Batzarrean izan dira, besteak beste, Richar Vaquero Podemos Euskadiko koordinatzaile nagusia eta Leticia Jiménez Antolakuntza idazkaria, erakundeetako beste hainbat ordezkari, kargu politiko eta militanteekin batera
Podemos Euskadi Podemosen Estatuko Herritarren Kontseilu (EHK) berrian egongo da, Maite Gartzia koordinatzaile nagusiaren albokoaren, David Rodriguez Arabako Batzar Nagusietako bozeramailearen eta Jose Manuel de Pablos Bajo Santurtziko zinegotziaren bidez, Ione Belarra buru duen alderdiaren zuzendaritza-organoan parte hartuz.
EHK berria Estatuko Herritarren Bosgarren Batzarraren prozesuaren barne aukeratu dute. Prozesua ostiral eta larunbat honetan amaitu da, Madrilen, Ione Belarra idazkari nagusi berrautatuta. Prozesuaren amaierako batzar horretan izan dira Richar Vaquero Podemos Euskadiko koordinatzaile nagusia, Leticia Jiménez Antolakuntza idazkaria eta Gartzia eta De Pablos EHK berriko kideak. Casa de Campoko Azoka Esparruko Konbentzio Pabilioira beste hainbat kargu politiko eta instituzional ere joan dira, baita militantzia ugari ere.
Gartziak, Rodriguezek eta De Pablosek Podemos Euskadiren ahotsa eta konpromisoa eramango dute EHKra, eskuz esku, kalean, mugimendu eta erakunde sozialekin lan egiteko, haien eskaerei erantzuteko eta gizarteak eskatzen dituen eraldaketak lortzeko.
Maite Gartzia (1972) Podemos Euskadiko koordinatzaile nagusiaren ondokoa eta alderdi morearen Etxebizitza Arloko arduraduna da. Era berean, maila instituzionalean, Errenteriako Udaleko alkateordea da eta Kultura eta Liburutegiko zinegotzia.
Gaztetatik gizarte-mugimenduekin eta auzo-mugimenduekin lotuta dago, eta haur gaixoak eta haien familiak zaintzen dituen GKE bateko boluntarioen koordinatzailea da. Errenteriako Podemosen Zirkuluaren arduraduna ere da, ama, feminista, animalista, sindikalista, solidarioa, euskalduna eta pertsona guztien eskubideekin konprometitua dago.
EHKko kide izateko aukeratua izateaz “harro”, Gartziak bere gain hartzen du zeregin hori, herritar guztientzat “demokrazian, feminismoan, justizia sozialean eta eskubideetan aurrera egiten jarraitzea” ahalbidetuko duten politikak gauzatzeko “erantzukizun handiarekin”. Ildo horretan, nabarmendu du Podemosek azken urteotan erakutsi duela, bai koalizio-gobernuan, bai Kongresuko oposizio-lanean, eskubideetan aurrera egiteko beharrezkoa dela “ausardiaz jokatuko duen eta boteretsuen aurrean zimurtuko ez den ezkerra”.
Demokraziarekin konprometituta, Gartziak erronka handienetakotzat jotzen du eskuina gobernatzera iristea eragoztea, Podemosek emakumeentzat Gobernuan lortutako eskubide guztiak iraultzeko mehatxua bailitzateke. Horretarako, mobilizazio sozialaren garrantzia nabarmentzen du. “Podemos eraldaketa politiko, sozial eta instituzionalerako tresna bat da, jendearen esku dagoena. Gure herrialdeko ezkerreko beste kultura politiko batzuetan ez bezala, guk beti ulertu izan dugu oinarrizko mugimendu eta erakunde sozialek gure herrialdeko onena ordezkatzen dutela eta aurrerapen demokratikoaren punta direla ”, adierazi du.
David Rodriguez Podemos Arabaren sorrerako kide izan zen 2014an, eta, hasieratik, alderdian eta Gasteizko Zirkuluan parte hartzen du. Gaur egun Elkarrekin Podemos batzarkide taldeko bozeramailea da Arabako Batzar Nagusietan. Bi nerabe gazteren aita, arkitektoa da eta Hirigintzan masterra du, hiri eta lurralde jasangarrietan espezializatua. Inguruko munduarekin, pertsonekin, haien habitatarekin, etxebizitzarekin, hiriekin, landa-ingurunearekin, justizia sozialarekin eta biodibertsitatearen defentsarekin konprometituta sentitu da beti.
Rodriguezek, batez ere Arabako eta Euskadiko militantziari, jasotako babes guztia eskertu dio, “hori gabe ez baitzen posible izango EHKn egotea, Podemosen oinarritutako demokrazia parte-hartzaileari balioa emanez”. “Euskal militantziaren eskaerak eta proposamenak Podemosen Estatuko Herritarren Kontseilura eramateko erronkari serioski erantzuteko konpromisoa hartzen dut”, adierazi du.
“Une erabakigarrian gaude, eta, agertoki horretan” – balioetsi du –, “Podemos da ahotsa altxatzen duena berriro, irmotasunez, kaletik erakundeetara, jendearen eskubideen alde, behekoen alde, botere ekonomiko eta mediatikoekiko erabateko independentziarekin”.
José Manuel de Pablos Bajo Ledesman (Salamanca) jaio zen 1966an, eta 1969tik Santurtzin bizi da, gaur egun Elkarrekin Podemoseko zinegotzi gisa. 2018an, Podemos Euskadiko Koordinazio Kontseiluko Zirkuluen idazkari aukeratu zuten, eta, hiru urte geroago, Podemos Euskadiko Herritarren Kontseiluko Zirkuluen eta Parte-hartzearen ardura hartu zuen.
De Pablos Bajok “emozio sakonarekin eta erantzukizunaren zentzu ikaragarriarekin” adierazten du Ione Belarrak emandako babesa eta Podemoseko militantzia, Podemoseko zuzendaritza organoko kide izateko aukeratu emateagatik. “Jaso dudan boto bakoitza konfiantzazko ekintza bat da, baina baita konpromiso partekatu bat ere. Ez nago oker hauteskunde hauen emaitzak ez dituela garaipen pertsonalak ekarri esaterakoan, baizik eta egunez egun sistema bidegabe baten benetako alternatiba eraikitzen duen militantziaren garaipena. Militantzia da, bere ordezkari hautetsiekin batera, uste horiei eusten dien indarra, justizia soziala eta berdintasuna eskatzeaz, Lurra defendatzeaz eta ahotsa kendu dutenen alde hitz egiteaz nekatzen ez dena”, baieztatu du.
EHKko kide berriak nabarmendu duenez, “Podemos borroka antifaxista, arrazista eta antibelizisten erritmora taupadaka doan proiektu kolektibo bat da, gizaki guztien arteko benetako berdintasunaren alde irmo altxatzen dena, Giza Eskubideen Adierazpen Unibertsalaren printzipioak pitzadurarik gabe besarkatzen dituena, feminista, ekologista eta animalista dena, ezein zapalkuntza zilegi ez dela ulertzen duena, eta gizakien arteko nagusitasun modu guztiak desagerrarazi behar direla”.
De Pablos Bajok dio erantzukizun hori bere gain hartzen duela, “militantziari eman dioten konfiantza itzultzeko lan egiteko erabaki irmoarekin”, kolektibitatetik, eztabaida zintzotik eta ekintza erabakigarritik abiatuta, hor baitago Podemosen indarra. “Eskerrik asko espazio berri honetatik laguntzeko aukera emateagatik”, adierazi du.
PODEMOS Ahal Dugu
