Militantziak, batzarrean, Podemos Euskadiko Feminismoetako idazkari eta Irungo zinegotzia izendatu du hiriko alderdi morearen ordezkari berri
Elkarrekin Podemosen Irungo zinegotzi eta Podemos Euskadiko Feminismoetako idazkari Thania Pazos Irungo Podemosen bozeramaile berri aukeratu dute militantziek. Hautaketa atzo, ostegunean, egin zen alderdiak egindako batzarrean.
Pazosek ardura hori bere gain hartuko du Podemos Irungo lan politikoa eta antolakuntza-lana indartzeko helburuarekin, baita alderdiak 2027ko udal hauteskundeetara aurkeztuko duen proiektua prestatzen hasteko ere.
Horretarako, bozeramaile berriak datozen asteetan harreman-txanda bat abiatuko du hiriko mugimendu sozialekin, kolektiboekin eta elkarteekin, bere burua formalki aurkezteko eta Irungo proposamenak, kezkak eta eskaerak zuzenean entzuteko, ondoren horiek hauteskunde-programan txertatu ahal izateko.
Etapa berri honen xedea da hiriko gizarte-sarearekin loturak sendotzea eta herritarrei hurbil dagoen alternatiba politiko bat eraikitzen jarraitzea. “Gure proiektuarekin jarraitu nahi dugu Irun hobetzeko egunero lanean ari direnei entzunez, auzoetatik, kolektiboetatik eta mugimendu sozialetatik”, nabarmendu du Pazosek. Era berean, eskerrak eman dizkie militantziei beregan jarritako konfiantzagatik, Podemos Irungo buru den etapa berri eta garrantzitsu honi heltzeko.
Thania Pazosekin batera, Miren Echeveste, Marian Garcia eta Karmele Arruebarrena izango dira Koordinazio Kontseilu berrian.
PODEMOS Ahal Dugu
