Donostiako Elkarrekin Podemosek deitoratu egin du Udal Gobernuak elkartasun-afariak egitea eragotzteko hartu duen erabakia. Herritarren ekimen horrek urte luzez egoera ahulean dauden pertsonei laguntza eman die.
Bereziki kezkagarria da etxebizitza eskuratzeko zailtasunak gero eta handiagoak diren eta gero eta pertsona gehiagok bazterketa-egoerak pairatzen dituzten hiri batean Udalak elkartasunezko ekimen bat ezabatzea erabakitzea, gizarte-politikak indartu beharrean.
Elkarrekin Podemosek Udal Gobernuari eskatzen dio berehala ireki dezala inplikatutako elkarteekin elkarrizketa-mahai bat, eta adostutako irtenbide bat bila dezala, bizikidetza eta herritarrek gehien behar dutenei laguntzeko antolatzeko duten eskubidea bateragarri egingo dituena. Elkartasuna ez litzateke inoiz arazo gisa tratatu behar; aitzitik, erakundeek babestu eta sustatu behar duten balioa da.
PODEMOS Ahal Dugu
