Larunbat honetan Bilbon egingo den manifestazioan parte hartzeko deia egin du koalizioak
Podemos Euskadik, Ezker Anitza-IUk, Alianza Verdek eta Berdeak Equok osatutako koalizioak euskal osasun publikoaren muturreko egoera salatu du gaur Gurutzetako ospitalearen aurrean. Eneritz de Madariagak, Bizkaiko ahaldun nagusigaiak adierazi duenez, “arazoa prekarizazioa, immobilismoa eta Osasun Sailak negoziazioak blokeatzea da. Ez diete erantzuten langileek egiten dituzten hobekuntza-planteamenduei, ezta jendearen kexa eta eskaerei ere”. De Madariagak Arartekoaren txostena jarri du adibide gisa, “pazienteen kexak % 220 igo direla jasotzen baitu”. Izan ere, “agerikoa da gure osasun-sistema zaintzeko eta babesteko borondaterik eza, eta eragin larriak izaten ari da herritar guztiengan”.
Hautagaiak azaldu duen bezala, “Sagarduy sailburuak Osakidetza berrindartzeko berriki aurkeztu duen Plan Estrategikoak ez du planteatzen Osasun Sistema Publikoa husteko eta ahultzeko konponbiderik. Izan ere, osasunaren ikuspegi ekonomizista azpimarratzen duen planteamendua da, herritarrek jasotzen duten arreta hobetu beharrean”.
Casimiro Castaño Gonzalezek, Barakaldoko alkategaiak salatu duenez, “2010etik osasun-zerbitzuak murrizten joan dira Barakaldon, anbulatorioak itxi zirenetik hasi eta larrialdietara arte, lehen mailako arretaren narriaduratik igarota”.
Hautagaiak azaldu duen bezala, “hasiera batean larunbatetan itxi zuten arreta anbulatorioa, 2015etik aurrera larrialdi anbulatorioak itxi zituzten, bularreko minbizia prebenitzeko probetan murrizketak izan ziren, eta lehen mailako arretan ordutegiak nabarmen murriztu ziren udako eta Gabonetako aldietan”. “Gogora ekarri nahi dugu, halaber, Gurutzetako arreta psikosozialeko modulua itxi zela 2021ean, 2018an onura publikokotzat jo zena eta 42 urte zeramatzana Osakidetzak arretarik gabeko 800 familia barakaldar baino gehiago artatzen” azaldu du Castañok.
PODEMOS Ahal Dugu
