David Rodriguez Elkarrekin Podemos IUko bozeramaileak gaitzetsi du administrazioek ez dituztela aurreikusi enpresaren planak; izan ere, 2020an haizetakoen dibisioa saldu zion funts putre bati, eta, hiru urte geroago, enpresa itxi zuen 240 langile kalean utziz
“Gai larri baten aurrean gaude. Hau ez da duela hamar egun hasi. Arabako Batzar Nagusietan abisatu genuen. Denborak arrazoia eman digu”, adierazi du
David Rodriguez Elkarrekin Podemos IUko bozeramaileak gaur salatu duenez, Laudioko Guardianen itxiera 2020tik aurrera planifikatutako operazio baten ondorio da, eta erakundeen begi bistan egin dela, azken unera arte eragozteko erreakziorik egon gabe.
Hala salatu du Rodriguezek Arabako Batzar Nagusietako Lehendakaritza Batzordean, non Ramiro Gonzalez ahaldun nagusiak agerraldia egin du, 171 langile kalean utziko dituen Guardian enpresaren itxieraren aurrean Foru Gobernua egiten ari den jardunaren berri emateko.
Rodriguezen hitzetan, Guardianen itxiera “heriotza iragarritako baten kronika da” 2020tik, Guardianek haizetakoen dibisioa Parter Capital funts putreari saldu zionetik. Hiru urte geroago, enpresa horrek itxi egin zuen – Guardianek inolako erantzukizunik izan ez zezan –, eta 240 langile utzi zituen kalean.
Garai hartan Autoglass-Glavista suspertzeko interesa zuen beste inbertitzaile bati erantsitako lurrak saltzeko enpresak zuen borondaterik eza ez zen ulertzen. Hala salatu zuen Elkarrekin Podemos IUk Arabako Batzar Nagusietan, sinadura ixtea saihesteko premiazko mozio batekin. Orain, agerian geratu da Guardianek aurrez pentsatutako itxiera proiektu bat zuela.
“Gai larri baten aurrean gaude. Hau ez da urtarrilaren 21ean hasten, Guardianek itxiera iragarri zuenean; 2020an hasi zen, haizetakoen dibisioa salduta. Ordutik gaur arte sortu den proiektua da. Arabako Batzar Nagusietan abisatu genuen, eta orain denborak arrazoia eman digu”, azpimarratu du. Ildo horretan, gaitzetsi duenez, “multinazionala bere interes ekonomikoak gauzatzen ari da 2020tik, eta erakundeek ezin izan dute aurreikusi edo ez dute ezer egin egoera hori gertatuko zela aurreikusteko”.
“Hori guztia erakundeen begi bistan sortu da, eta azken hamar egunak baino lehen ez da inolako erreakziorik izan, enpresak itxiera iragarri duen arte. Benetan ez duzue orain arte aurreikusi hori posible zela?”, interpelatu dio Gonzalezi, oso kezkatuta erakundeen aurreikuspen faltagatik, gertatu diren gertaerak ikusita iragarritako itxiera baten aurrean, eta Araialdea etorkizun oso ilunera are gehiago kondenatzen ari delako.
Rodriguezek Elkarrekin Podemos IUren babes osoa helarazi die Guardianeko langileei eta enpresaren itxierak zuzenean edo zeharka kaltetutako pertsona guztiei. Pasadan ostiralean, alderdiak Laudion Guardianen inguruan eratu zen giza katean parte hartu zuen, eta plantillak antolatzen dituen ekitaldi guztietan egongo da, haien egoerari irtenbidea emateko eta erakundeei Aiaraldea biziberritzeko konpromisoa eskatzeko, eskualdea desindustrializazio prozesu oso kezkagarrian murgilduta baitago.
PODEMOS Ahal Dugu
