Kontua aberatsek laguntza ematea denean, elkartasunezko jarrera eta interes orokorraren defentsa bakarrik agertzen da Ogasunean zergak arintzen badira.

Joan den azaroaren 25ean, Diputatuen Kongresuak gehiengoz onartu zuen Fortuna Handien Gaineko Aldi Baterako Elkartasun Zerga. Helburua da ahalmen ekonomiko handiagoa dutenek ekarpenak egitea krisi ekonomiko eta inflazio garai hauetan dauden premia sozialen arabera. 3 milioi eurotik gorako ondareak dituztenek ordainduko dute zerga hori.

Espainiako Gobernuak zerga iragarri zuenetik onartu egin arte, EAJk era guztietako estrategiak erabili ditu, Euskadin ondare handia duten zorioneko horiek euro bakar bat gehiago ordain ez dezaten.  Euskal Herriak duen elkartasunetik ezin harroago dagoen EAJk berak,  errefuxiatuei harrera egiten dienean edo euskal kupoa zalantzan jartzen denean, horiek defendatzeko zalantzarik ez duenak. EAJ horixe dago orain zerga horren aurkako manifestazioaren pankartaren buruan. Atzean, eta txaloen artean daude Euskadiko aberatsenak  daude. Eta azkenak, erratz-autoa balitz bezala itxiz, sozialistak ageri dira, zeinek tarteka iragartzen baitute nazionalistekin negoziatzen ari direla zerga ez aplikatzeko, eta, handik pixka batera, kontrakoa esaten baitute.

Argi utzi dute: guztiok ez dugu ahalegin kolektiboan lagundu behar. Beraz, gure gizartearen parte handi batek erosketa-saskiarekin zailtasun handiak dituen bitartean, elektrizitatearen edo gasaren prezioen igoeraren ondorioz, eta beste parte bati, berriz, gizentzen zaio diru-zorroa.

Eta horren aurrean, agian datozen foru eta udal hauteskundeen hurbiltasunak bultzatuta, oraingoz euskal erakundeetan batera gobernatzen ari direnek izapide administratiboak ahalik eta gehien atzeratzea erabaki dute, legegintzaldi honetan astirik ez izateko hauteskundeetako emaitzak zapuztu diezazkiekeen titular bat ateratzeko. Dagoeneko ez dago zalantzarik: aberatsak lasai egon daitezke Euskadin. EAJren eta PSEren gobernuak beraien aurrezkiak zaintzen ditu. Hala ere, langile klaseak ondoko bizilagunek dituzten beharrak eta arazoak modu solidarioan ordaintzen jarraitu beharko du.

Euskal herria solidarioa da. Baina, euskal herri osoa ez, horretan ere badaude klaseak. Izan ere, kontua aberatsek laguntza ematea denean, elkartasunezko jarrera eta interes orokorraren defentsa Ogasunean zergak arintzen direnean bakarrik agertzen da.