Bilboko alkategaiak eta Bizkaiko Ahaldun Nagusirako hautagaiak, Ana Viñals eta Eneritz de Madariaga, hurrenez hurren, kalera atera dira "Programa parte-hartzaileak" izeneko jardunaldian herritarren kezkak ezagutzeko.
Podemos Euskadi EAEko udalerrietako kaleetara atera da ostiral honetan, maiatzeko udal eta foru hauteskundeetako hauteskunde-programetan sartzeko herritarren proposamenak jasotzeko.
Bilbon, 'Programa parte-hartzaileak' jardunaldia Osasun Langileen plazan egin da. Ana Viñals Bilboko alkategaiak eta Eneritz de Madariaga Bizkaiko ahaldun nagusigaiak, Podemoseko militante talde batekin batera, herritarren proposamenak jaso dituzte.
“Jendeari entzuteko, haien kezkak ezagutzeko eta haien beharrei erantzuteko atera gara, haien arazoei eta eskaerei irtenbide eraginkorrak bilatzeko gaude hemen”, azaldu du Viñalsek. “Gure helburua Bilbo eta Bizkaia guztion artean eraikitzeko ideiak batzea da”, gaineratu du.
Bilboko alkategaiak adierazi du “kaleetan jendearekin egon behar” dela. “Auzoetan egon behar gara, auzokideekin, bazterketarik gabe, pertsonen ideia eta proposamenen baturarekin eraikiko baitugu hiria, behar dutena”, adierazi du.
Viñalsen ustez, “funtsezkoa da batzuek kudeatzeko duten eredu oso zahar hori atzean uztea, jendeari bizkarra emanez, gutxi batzuen interes eta negozioei arreta handiagoa jarriz”. Hori ez dela Podemosen eredua adierazi du. “Gu hemen gaude batzeko, jendearen proposamenak jasotzeko, eguneroko beharrei erantzuteko. Ez dugu espekulatzaileen politikarik nahi. Hurbiltasun politika bat behar dugu”, adierazi du Bilboko alkategaiak.
Ekimen honekin, bilbotarrak gonbidatu dituzte Bilbogatik batzeko. “Elkarrekin hiria eraikitzen dugu. Bilbo proposamen guztien batura da”, adierazi du Viñalsek.
PODEMOS Ahal Dugu
