Herrialde anitz eta plural batean bizi gara. Ongi baino hobeto ezaguna den egitate hori gogora ekartzea komeni da, horri balio berezia eman behar diogulako. Gure kultura-aberastasun handia gotorleku bat da, eta aprobetxatzen jakin behar dugun aukera bat ere bai. Aberastasun horretatik abiatuta, aniztasunetik, jakin badakigu Podemosen proiektu kolektiboak indartu egin behar duela bere lurralde-ezarpena, eta horrek esan nahi du lurralde historiko bakoitzean errotze handiagoa behar dela, baita oraindik iritsi ezin izan garen espazioetan sartzen jakitea ere.

Euskadin badakigu asko dugula eskaintzeko zentzu horretan, Podemos Ahal Dugu bere ibilbide politikoaren une erabakigarrian dagoela onartuta, 2023ko horizontean foru eta udal hauteskunde garrantzitsuak ditugula. Asko dugu jokoan Euskadin.

Nahiz eta oraindik ez garen erabat atera alderdi askotan kolpatu gaituen pandemia batetik, ongizatearen estatu indartsu bat izan nahi duen gizartea garen aldetik, zein kalteberak garen erakutsi zaigu. Etapa berria oraintxe hasten da, atzerapenik gabe, planteatzen zaizkigun erronkak izugarri handiak direlako eta premiazko jarduketak eskatzen dituztelako. Azken batean, herritarrek klase politikoari eskatzen diotena erantzun arinak eta eraginkorrak dira.

Podemos Ahal Dugu-n argi daukagu hori. Maila politikoan eta instituzionalean, Euskadin dugun oposizioa arduratsua dela erakutsi dugu, eta  benetan eraldatzailea den indarra garela erakutsi nahi badugu, “baiezkoan” zein “ezezkoan” kokatzen jakin behar dugula. Kontua ez da alderdikeriaz beteriko diskurtsoak egitea espazioa markatzeko, baizik eta aurrera ateratzen diren neurriek eragin erreala eta onuragarria izatea pertsonen bizi-baldintzetan. Politika arduratsua, praktikoa eta eraikitzailea egin nahi dugu, Eusko Legebiltzarrera iristen diren arau-proposamenak hobetzeko aktiboki lan eginez.

Bereziki demokratikoa den politika. Benetako demokrazia  da gero eta konplexuagoa eta askotarikoa den eta interkonektatuta dagoen gizarte garaikide batean banatutako jakintza behar bezala kudeatzea, gehiago eta hobeto jakitea eskatzen duen gizartean, zeinak jarrera autoritario gutxiago eskatzen dituen. Politika adimen kolektiboko modu bat baino ez da, eta adimen kolektiboa kritika, berrikuspena eta kontrastea ahalbidetzea da.

Hori Podemos Ahal Dugu-ren antolamendu planora eraman genuen, eta, orain arte izan ditugun ahuleziak aintzat hartuz, "alderdia eraikitzeko" ildo nagusiak ondo diseinatzeko unea dela argi dugu, hau da, gure proiektu politikoa eta antolamendu proiektua definitzeko eta sendotzeko unea: gizarte zibilarekin, militanteekin, kargu publikoak eta organikoak dituztenekin. Erakunde ororen eta kudeaketa politikoaren eraginkortasunaren abiapuntua da denok konbentzitzea baliabideak eta erabakiak zabaltzeko beharraz; izan ere, erabaki horiek ezin dira soilik boteretik (edo dirutik) hartu, baizik eta jardun-eremua zabaldu behar da ezagutza kolektiboan oinarritutako baliabideekin. Erakundeek, gizarteek oro har, beraien  jakintza berezkoa eta erantsia sortzen dute beren kideen jakintzari dagokionez, eta jakintza hori osatzen dutenen jakintzaren batura baino handiagoa da.

Podemos Ahal Dugu-ren baitan badakigu ezinbestekoa dela partaidetzako dinamikak eta erkidego mailako bilerak sustatzea eztabaidatzeko, bai eta hurbileko demokrazia praktikatzea ere, hau da, ahal den neurrian, kargu publikoak dituztenen presentzia, militanteekiko etengabeko harremana, prestakuntzazko praktikak eta jarduera ludikoak sustatzea. Gizarte zibilaren talentua erakartzea ere funtsezkoa da, udalerriz udalerri.

Horrela, datozen urteetan gure ibilbide-orria egituratu behar duten hainbat helburu estrategiko planteatzen ditugu, Podemos Ahal Dugu-ko militantzia dinamizatzetik eta sendotzetik abiatuta, mugimendu dinamiko, iraunkor, aktibo den aldetik, horizontaltasunera eta berdintasunezko partaidetzara bideratutako mugimendu gisa. Helburua da militantziaren parte-hartzea sustatzea proposamen politikoen ekarpenak eginez, kaleko ekintzetan eta tokiko eremuetako espazio publikoetan, eta zirkuluak indartzea eztabaidagune gisa.

Era berean, lurraldetasuna, udalgintza eta tokiko politika indartu nahi ditugu, eta, aldi berean, lurraldean espazioak zabaldu, elkarlaneko sareak sortuz gizarte zibileko ordezkariekin (gizarte eragileak, elkarteak, kultura erakundeak, gizarte mugimenduak, esparru akademikoa…) erakundeetako lanari eta ekintza militanteari begira.

Planteamendu estrategiko horiek, guretzat beti ezinbestekoa den berezko nortasun-ikurra dutenak, hala nola profil berdea eta morea, modurik onenean kokatu beharko gaituzte Podemos Ahal Dugu-ren esparru estrategiko eta programatikoa diseinatzeko hain garrantzitsua ren  2023. urteari begira.

Horretarako, bokazio kolektibo handiko proiektu honen barruan, berezko profil bat markatuko dugu Euskadin. Horrek esan nahi du euskal politikaren alderdi bereizgarrienei balioa ematea eta plurinazionaltasunaren alde egiten dugun apustua azpimarratzea. Izan ere, behin eta berriz errepikatzen ari garen eztabaida horri heldu behar zaio, adostasunean oinarritutako elkarbizitza-proiektu hori ahalik eta ongien doitzeko, lurralde guztiek bere lekua aurkitu ahal izan dezaten Estatua den esparru komun horretan.

PodemosAhal Dugu-ko Antolakuntza idazkaria naizen aldetik, bilerak egiten hasi naiz nire lantaldeekin, eta '2023Bidean' izeneko ibilbide-orri honi hasiera eman diot, ikasturte politiko berriari ekiteko. Diziplina anitzeko taldeak, ilusioz beteak, askotarikoak, belaunaldien artekoak, eta funtzionatzen ez duten gauzei erantzuna emateko edo aldatzeko gogo handia dutenek osatutakoak. Euskadin lan handia dugu aurretik, eta gogo handia ere bai lan hori aurrera eramateko.

Partaidetzako prozesu honetan aktiboki parte hartzera gonbidatzen ditugu militante guztiak, jarraitzaileak eta euskal herritarren baldintza materialak hobeto eraldatzeko proiektu komun batean sinisten dutenak. Hortxe dago koxka.