Krisi garaian, bizitzen ari garen trantsizio-garaian eta produkzio-eredua aldatu behar den garai honetan, Ekonomia Sozial eta Solidarioak garrantzi berezia du indar politiko eraldatzaile batentzat. Eredu horrek erdigunean pertsona jartzen du eta onura soziala, baita ingurumenaren jasangarritasuna, lan duina, kolektibo zaugarrienak lanaren munduan sartzea ere; gainera, lurraldea finkatzen laguntzen du landa-inguruneko despopulazioaren aurka borrokatuz, eta zaintzak eta berdintasuna balioesten ditu.
Eredu horretarantz aurrera egiteko beharrari Bilbon helduko zaio, Unidas Podemoseko parlamentu taldeak antolatutako jardunaldi batean, zeina Itsas Museoan egingo baita, uztailaren 15ean, ostirala. Topaketa 16:30ean hasiko da, Maravillas Espín Lan Autonomoko, Gizarte Ekonomiako eta Enpresen Gizarte Erantzukizuneko zuzendari nagusiaren eta Roberto Uriarte Unidas Podemoseko Bizkaiko diputatuaren esku-hartzeekin.
Irekiera ekitaldian, lehenengo mahai-inguru bat egingo da, eta bertan 'Gizarte Ekonomiaren gaitasun eraldatzailea' baloratuko da Patxi Olabarria CSCEko presidente eta Konfekoopeko lehendakariordearen aldetik, baita Marian Diez REAS Euskadiko presidentearen, Jone Nolte Laborpar elkarteko presidentearen eta Iñigo Ucin Mondragon Taldeko presidentearen aldetik ere.
Jardunaldiak “Ekonomia Sozial eta Solidarioko hainbat esperientzia” agerian utziko ditu, eta Marian Tapia Zorrotzeko finantza-zuzendariak, Juan Garibi FIARE Banku Etikoko zuzendariak eta Rubén Méndez Ametxeko bazkide kooperatibistak parte hartuko dute.
Unidas Podemoseko Castelloko diputatu Marisa Saavedrak eta Roberto Uriartek emango diote amaiera jardunaldiari, aurretik Unidas Podemosek Ekonomia Sozial eta Solidarioaren garrantzian sakontzeko Kongresuan antolatu dituen bi jardunaldiei jarraipena emateko.
