Gure proiektu kolektiboa eratzen duen jendeaz finantzatzen da Podemos Ahal Dugu.

Jakin badakigu alderdiak finantzatzeko egungo sistema oso bideratuta dagoela bankuekin zorpetzera, horrek berekin dakartzan ondorio guztiekin. Baina gure DNAn dago aukera hori baztertzea, eta lankidetza eta parte-hartze ekonomikorako modu berriak aztertzea.

Lankidetza-ekonomiaren balioetan oinarritutako finantzaketa-tresna berritzaileak eta parte-hartzaileak garatzearen aldeko apustua egiten dugu, hala nola lankidetzak, crowdfunding-ak eta mikrokredituak.

Mikrokredituen bidez, proiekturako mailegu zibil bat egiteko aukera eskaintzen diegu herritarrei, hauteskundeetako gastuak ordaintzeko.

Podemos Euskadiko kargu publiko hautetsi guztiek dute Kode Etikoan ezarritako soldata-muga bat, politika ez dadila izan ez negozio bat, ezta lanbide bat; baizik eta gizarteari eman beharreko zerbitzu bat, eta zerbitzu hori modu egokian egin ahal izango dug baldin eta herritar xeheak izaten jarraitzen badugu, eta, beraz, neurriko soldatak mantentzea beharrezkoa da. Soldata-muga gainditzen duen soberakinaz dohaintza emango zaio alderdiari edo izaera soziala eta eraldatzailea duten ekimenei.