Abian da ‘Euskadi Berria Eraikitzen, Horizonte 2030’ hausnarketa eta eztabaida prozesu kolektiboaren barruan herritarren ekarpenak jasotzeko webgunea

Web orria abian jartzea Elkarrekin koalizioaren esparru politikoa indartzeko hasitako hausnarketa-prozesuaren barruan aurreikusitako ekintzen artean dago. Prozesu hori militantziari, gizarte zibil antolatuari eta herritar guztiei irekita dago

‘Euskadi Berria Eraikitzen, Horizonte 2030’ izeneko hausnarketa irekiaren eta eztabaida kolektiboaren prozesuak urrats garrantzitsua ematen du web orria herritarren ekarpenak jasotzeko gaituta. https://euskadiberriaeraikitzen.eus/eu/ helbidean, nahi duten pertsona guztiek beren gogoetak eta proposamenak helarazi ahal izango dizkiote abiapuntuko dokumentuari, Euskadik behar duen eredu-aldaketa ekarriko duen ibilbide-orri politiko berria modu kolektiboan eraikitzeko.

Dokumentuaren sei ardatz estrategikoetan ekarpenak egin daitezke: ‘Euskadi egoeraren diagnostikoa’, ‘Zerbitzu publikoak bidegurutzean’, ‘Ekonomia soziala eta berdea’, ‘Zaintzarako eskubidea’, ‘Lurralde eredua’ eta ‘Herrialdea aldatuko duen bilgunerako printzipioak eta balioak’.

Webgunea abian jartzea guztion artean Elkarrekin alderdiaren esparru politikoa indartzeko hasitako hausnarketa-prozesuan aurreikusitako ekintzen artean dago. Prozesu hori militantziari, gizarte zibil antolatuari eta herritar guztiei irekita dago. Gizarte zibila, gizarte-mugimenduak, indar sindikalak edo unibertsitatea, besteak beste, interpelatzen dituen eztabaida-prozesu horren barruan, hausnarketa kolektiborako eta ekarpenetarako hainbat topaketa eta gune egingo dira datozen asteetan.

Gizarte-eraldaketarako mugimenduek erronka benetan zailei egin behar diete aurre. ‘Euskadi Berria Eraikitzen, Horizonte 2030’ -webean islatzen denez- behar horretatik sortu da, lurraldearen zein testuinguru sozial, ekonomiko eta kulturalaren inguruan kokatutako proiektu politiko bat eraikitzeko asmotik. Euskadik aurre egin beharreko erronka konplexuei helduko dien ibilbide-orri berri honen eraikuntza, egiaztatzen denez, begirada zabal eta luzearekin egin nahi da.

“Gure eraikitzeko moduak zure parte-hartzearen aldeko apustua egiten du beti, eta, instantzia honetan, inoiz baino beharrezkoagoa iruditzen zaigu. Horregatik, zure ekarpenak webgune honen bidez helaraztera gonbidatzen zaitugu. Zatoz, parte hartu, zuk erabaki”.